నానిలు

నానీలు గోపీ గారు రూపొందించిన ఒక కవితా ప్రక్రియ.
నానీలు అంటే నావీ నీవీ వెరసి మనవి అని అర్థం.
మచ్చుకు కొన్ని గోపి గారి నానీలు.

ఎండ పొడల్లొ
తడిగా నానిలు
రక్తంతో శ్రుతి చేసిన
వినూత్న బాణీలు

మూడేళ్లయినా
కలవని దూరం
మూడు గంటల ప్రయాణంలో
అనుబంధమైంది

గాయానికి
నమస్కరించాను.
గేయాన్ని
ప్రసాదించినందుకు.

ఇండియా
ప్రతి రోజూ
కన్యాకుమారిలో
కాళ్లు కడుక్కుంటుంది

చెరువు కట్ట మీద
చెట్టంత బాల్యం
నీడలు
ఇప్పటికీ ఉన్నాయి

క్రిందివి నా ప్రయోగాలు.

నీటితో వ్యాపారం
నేలతో వ్యాపారం
ఇక అమ్మే
మిగిలింది

చిన్నప్పుడు బడి
తరువాత ఉద్యోగం
మరి
జీవితమో?

అందరూ
ఇంగ్లిష్ మీడియమే
అన్నం కంటె
ఐస్ క్రీమే రుచి

ఎంత
ఒంటరితనమో
కవితలు
వ్రాసి ఎన్నో రోజులయింది

ఎంత
కాలుష్యమో
మనుషుల్లోనూ
మాటల్లోనూ కూడా